ამ დღეებში, მოსკოვში მიმდინარეობს გრან-პრი მხატვრულ ტანვარჯიშში. ტანვარჯიშის ამ დისციპლინის უძლიერესი ტანმოვარჯიშეები იღებენ მონაწილეობას ამ ტურნირზე. მათ შორის არის ჩვენი ეროვნული გუნდის ლიდერი სალომე ფაჟავა. როგორც ყოველთვის სალომემ გამოიჩინა ხასიათი და ბრძოლისუნარიანობა და მშვენივრად იასპარეზა. სალომემ მრავალჭიდში დაიკავა მეშვიდე ადგილი და ასევე იასპარეზა საგნების ფინალებში: რგოლი, გურზები, ბაფთა. ყველაზე კარგად სალომემ გურზებით ფინალში იასპარეზა და დაიკავა მესამე ადგილი. ვულოცავთ სალომეს ამ დიდ წარმატებას და ვუსურვებთ მომავალ გამარჯვებებს!

31 იანვრიდან–2 თებერვლის ჩათვლით ქ.თბილისში ჩატარდა სპორტულ ტანვარჯიშში მსაჯთა კურსი. ამ კურსის ჩატარების თხოვნით საქართველოს ტანვარჯიშის სახეობათა ეროვნულმა ფედერაციამ მიმართა ევროპის ტანვარჯიშის ფედერაციას, რაზეც მიიღო დასტური. ამ კურსის ჩასატარებლად ჩამოვიდნენ ევროპის ტანვარჯიშის კავშირის ექსპერტები: ქალბატონები ორნა შაი და კრისტინ ფრაუნქნიფტი, და ასევე, ბატონები ჟან–ფრანსუა ბლანკვინო და ილია გიორგაძე. კურსის მსვლელობისას ჩვენი ეროვნული კატეგორიის მსაჯები გაეცნენ მიმდინარე და ასევე , ახალ წესებს. კურსი დაყოფილი იყო თეორიულ და პრაქტიკულ ნაწილებად. კურსმა გამოიწვია ჩვენ მსაჯებში ძალიან დიდი ინტერესი, ჩართულობა და მოწონება. გვინდა, მადლობა გადაუხადოთ მოწვეულ ექსპერტს მაღალ დონეზე ჩატარებული კურსისთვის, ასევე, ევროპის ტანვარჯიშის კავშირს და პირადად მის პრეზიდენტს ბატონ ფარიდ გაიბოვს ამ კურსის ჩატარების გადაწყვეტილების მიღებისთვის. მადლობას ვუხდით საქართველოს განათლების, მეცნიერების, კულტურისა და სპორტის სამინისტროს კურსის ორგანიზებაში დახმარებისთვის. ასევე, მადლობას ვუხდით სასტუმრო "Light House Old Tbilisi'' და "Jazz Hotel'' ხელმძღვანელობას, ჩამოსული ექსპერტების შესანიშნავი მასპინძლობისთვის და კურსის ჩატარებაში გაწეული დახმარებისთვის.

მიმდინარე წლის 25–26 იანვარს, ავსტრიის დედაქალაქმა უმასპინძლა საერთაშორისო ტურნირს მხატვრულ ტანვარჯიშში ‘’ახალგაზრდა ტალანტები ვენის თასი 2020’’. ტურნირში მონაწილოება მიიღო 18 ქვეყნის ტანმოვარჯიშემ. ამ მონაწილეებს შორის იყვენენ ქართველი ტანმოვარჯიშეებიც. ჩვენმა გოგონებმა ელენე ბაქრაძემ და მარიამ გელიაშვილმა ძლაიან კარგად იასაპრეზეს. ელენე ბაქრაძემ , 2011 წელს დაბადებულ გოგონათა შორის A კატეგორიაში მოიპოვა I ადგილი მრავალჭიდში, I ადგილი რგოლით ვარჯიშში და II ადგილი გურზებით ვარჯიშში. მარიამ გელაშვილმა , 2009 წელს დაბადებულ გოგონათა შორის A კატეგორიაში მოიპოვა III ადგილი მრავალჭიდში, II ადგილი ბურთით ვარჯიშში და ასევე, მარიამი დააჯილდოვეს სპეციალური პრიზით ‘’გამარჯვების განსაკუთრებული მონდომებისთვის’’.

საქართველოს ტანვარჯიშის სახეობათა ეროვნული ფედერაცია დაბადების 70 წლის საიუბილეო თარიღს ულოცავს საქართველოს დამსახურებულ მწვრთნელს სპორტულ ტანვარჯიშში გურამ ჯინჭარაძეს, რომელსაც აღზრდილი ჰყავს მრავალი სპორტის ოსტატი, მათ შორის ოლიმპიადის ფინალისტი ილია გიორგაძე, ასევე მრავალი საერთაშორისო ტურნირების გამარჯვებულები: მაგდა რობაქიძე, ნატალია ძიძიგური და ქრისტინე მორჩაძე.

ევროპის ტანვარჯიშის კავშირის აღმასრულებელმა კომიტეტმა 2018 წლის 5 ოქტომბრის შეხვედრაზე, ევროპის ტანვარჯიშის კავშირის განვითარების პროგრამის ფარგლებში, მიიღო გადაწყვეტილება რომ ჩაატაროს საქართველოში: ––სპორტულ ტანვარჯიშში (ვაჟები და გოგონები) მსაჯების კურსი. აღნიშნული კურსი ჩატარდება 31 იანვრიდან–2 თებერვლის ჩათვლით ქ.თბილისში. კურსი დაეხმარება ჩვენ მსაჯებს, დონის ამაღლებაში და ახალი წესების და ტენდეციების ათვისებაში.

განათლების, მეცნიერების, კულტურისა და სპორტის სამინისტროს ორგანიზებით, სახელმწიფო ცერემონიების სასახლეში გაიმართა 2019 წლის სპორტული მოვლენების შემაჯამებელი ღონისძიება - წლის სპორტსმენი. დაჯილდოების ყოველწლიურ ცერემონიაზე საუკეთესოები გამოვლინდნენ 11 ნომინაციაში, ასევე დაწესებული გახლდათ 10 სპეციალური პრიზი.

2019 წლის საუკეთესო სპორტსმენის ტიტული 6 მსოფლიოს ჩემპიონს გადაეცა: ლუხუმ ჩხვიმიანი (ძიუდო), ლაშა ტალახაძე (ძალოსნობა), გენო პეტრიაშვილი (თავისუფალი ჭიდაობა), ლაშა გობაძე (ბერძნულ-რომაული ჭიდაობა), ბექა ლომთაძე (თავისუფალი ჭიდაობა), ნუგზარ წურწუმია (ბერძნულ-რომაული ჭიდაობა).

საქრთველოს ტანვარჯიშის სახეობათა ეროვნული ფედერაციას წარდგენილი იყო ორ ნომინაციაში:

2019 წლის საუკეთესო მსაჯი -
სადაც ყველას აჯობა ჩვენმა სახელოვანმა და ტიტულოვანმა ფედეეაციის გენერალურმა მდივანმა რუსუდან ხოფერიამ (ბატუტზე ხტომა). ქალბატონი რუსიკო წლების მანძილზეა აღიარებული საუკეთესო მსაჯი და ამჯერად მან ყველას აჯობა და დამსახურებულად მიენიჭა
*საქართველოს საუკეთესო მსაჯის ტიტული*

საქართველოს ტანვარჯიშის სახეობათა ეროვნული ფედერაცია ულოცავს ფედერაციის ვიცე–პრეზიდენტს, სსრკ ორგზის ჩემიონს ჯგუფურ ვარჯიშშ (1961, 62), სსრკ უნივერსიადაში გამარჯვებულს (1964), საბჭოთა კავშირის სპორტის ოსტატს, საბჭოთაკავშირისა და საქართველოს დამსახურებულ მწვრთნელს, ღირსების ორდენის კავალერს––ქალბატონ ნელი სალაძის დაბადების დღეს! ქალბატონო ნელი! გისურვებთ ჯანმრთელობას, ბედნიერებას, და უამრავ წარმატებებს თქვენს საქმიანობაში!

ანანო აფაქიძემ და სოფიო დაშნიანმა ტოკიოში მსოფლიო ჩემპიონატზე ბატუტზე სინქრონულ ხტომებში ახალგაზრდებს შორის ფინალში გავიდნენ და მე-5 ადგილი დაიკავეს. ეს კარგი შედეგია ჩვენი გოგონებისთვის რადგან მათ მსოფლიო 40 საუკეთესო სინქრონულ წყვილს შორის მე-5 ადგილი დაიკავეს.

ამ წუთებში, დაგვიკავშირდა საქართველოს ტანვარჯიშის სახეობათა ეროვნული ფედერაციის გენერალური მდივანი რუსუდან ხოფერია, რომელიც იმყოფება ტოკიოში, და მსაჯობს მსოფლიო ახალგაზრდულ ჩემპიონატზე ბატუტზე ხტომებში. ქალბატონმა რუსიკომ, სასიხარულო ამბავი გვაუწყა: ჩვენი გოგონები მაია ბოჭორიძე და ანა ლაპიაშვილი გახდნენე ახალგაზრდებს შორის მსოფლიო ჩემპიონები ბატუტზე სინქრონულ ხტომებში! გოგონებმა დაიკავეს პირველი ადგილი და მოუგეს მეორე ადგილზე გასულ რუსეთის და მესამე ადგილზე გასულ, მასპინძელ იაპონიის წყვილს. ეს ძალიან დიდი წარმატება არის საქართველოს ბატუტის და ზოგადად ტანვარჯიშის ისტორიაში.

დღეს, სტარტი აიღო მსოფლიო ჩემპიონატმა ბატუტზე ხტომებში. ჩემპიონატს მასპინძლობს ქალაქი ტოკიო. 336 ბატუტისტმა 37 ქვეყნიდან უნდა იბრძოლოს მსოფლიო ჩემპიონობისთვის, გარდა ამისა გათამასდება 8 საგზური გოგონებში და 8 საგზური ვაჟებში ტოკოის ოლიმპიურ თამაშებზე მონაწილოების მისაღებად. ჩემპიონატზე საქართველოს წარმოადგენენ ლუბა გოლოვინა და თენგიზი კოშკაძე. ამ წუთებში ცნობილი გახდა რომ ლუბა გოლოვინა მოხვდა 24 საუკეთესო ბატუტისტებს შორის და იასპარეზბს ნახევარ–ფინალში.

წინა კვირას, საფრანგეთის ქალაქ ლე ბლანქ მესნილ-ში გაიმართა დანიელ დამატოს სახელობის საერთაშორისო ტურნირი სპორტულ ტანვარჯიშში. ამ ტურნირზე პირველად მიიღეს მონაწილეობა ჩვენმა ტანმოვარჯიშეებმა. სულ შეჯიბრებაზე 10 ქვეყნის 75 სპორტსმენი მონაწილეობდა. ქართველმა ტანმოვარჯიშემ ლევან სხილაძემ, ტაიჭზე ვარჯიშში ბრინჯაოს მედალი მოიპოვა. ლევანმა საკვალიფიკაციო ეტაპი წარმატებით გაიარა და ფინალში ორ იარაღზე 6 საუკეთესო სპორტსმენს შორის მოხვდა, თუმცა მხოლოდ ტაიჭზე მოახერხა საპრიზო ადგილზე გასვლა.

საქართველოს ტანვარჯიშის სახეობათა ეროვნული ფედერაცია ულოცავს დაბადების დღეს მსოფლიოს ორგზის ჩემპიონს (1988, 90), ევროპის ორგზის ჩემპიონს (1988, 90). სსრკ სამგზის ჩემპიონს (1985, 87, 90) და მეორე პრიზიორს (1986), სსრკ თასის ორგზის მფლობელს (1988, 90), სსრკ ხალხთა IX სპარტაკიადის მესამე პრიზიორს (1986), I საკავშირო ახალგაზრდული თამაშების ჩემპიონს (1985). სსრკ სპორტის დამსახურებულს ოსტატს, სპორტის რაინდს, საქართველოს ტანვარჯიშის ეროვნულ სახეობათა ფედერაციის ვიცე-პრეზიდენტს ქალბატონ ინგა გიორგობიანს! ქალბატონო ინგა, გულითადად გისურვებთ ჯანმრთელობას, ბედნიერებას, ბარაქას და მრავალ გამარჯვებებს თქვენ პროფესიულ საქმიანობაში!