დღეს თბილისში დაიწყება სემინარი "ტანვარჯიში ყველასთვის". სემინარი ტარდება საქართველოს ტანვარჯიშის სახეობათა ეროვნული ფედერაციის მიერ, საქართველოს განათლების, მეცნიერების, კულტურისა და სპორტის სამინისტროს ხელშეწყობით. აღნიშნულ სემინარს დაესწრება 60-მდე მწვრთნელი თბილისიდან და საქართველოს რეგიონებიდან. სემინარზე ლექციებს წაიკითხავს როგორც ქართველი სპეციალუსტები, ასევე ონლაინ ჩართვები იქნება საერთაშორისო სპეციალისტების მიერ.
როგორც გუშინ მოგახსენეთ, იტალიის ქალაქი რიმინი მასპინძლობს ევროპის ჩემპიონატს სპორტულ ტანვარჯიშში ვაჟებს შორის. ჩემპიონატის ფორმატი მოიცავს როგორც სინიორების ისე იუნიორების ასპარეზობას. გუშინ სინიორებში თავი გამოიჩინა ლევან სხილაძემ და ტაიჭზე ვარჯიშში ფინალში გავიდა. დღეს გაიმართა იუნიორთა ასპარეზობის საკვალიფიკაციო ეტაპი და ჩვენი ახალგაზრდული ნაკრები გუნდის წევრი დაჩი დოლიძე ტაიჭზე ვარჯიშში 14.100 ქულით გავიდა მეოთხე ადგილზე და მოხვდა ფინალში. ვულოცავთ დაჩის და ვუსურვებთ წარმატებულ ასპარეზობას ფინალში!
