სასიხარულო ინფორმაცია მოგვივიდა ბაქოდან. ამ დღეებში აზერბაიჯანის დედაქალაქი მასპინძლობს მსოფლიო ჩემპიონატს ბატუტზე ხტომებში ასაკობრივ ჯგუფებს შორის. აღნიშნულ ჩემპიონარზე საქართველო წარმოდგენილია რამდენიმე ასაკობრივ ჯგუფში. მათ შორის 11-13 წელი ასაკობრივ ჯგუფში ასპარეზობენ მარიამ სულაშვილი და ნინო ქორიძე. ეს ჩვენი გოგონებისთვის არის პირველი მსოფლიო ჩემპიონატი, და მათ წარმატებით გაართვეს თავი და მე-7 ადგილით მოხვდნენ ფინალში. წარმატებულ ფინალს ვუსურვებთ მარიამს და ნინოს!