ამ დღეებში ბაქოში მიმდინარეობს სპორტულ აკრობატიკაში მსოფლიო ჩემპიონატი ასაკობრივ ჯგუფებს შორის. დღეს, ჩვენი ეროვნული ნაკრები გუნდის შერეულმა წყვილმა იასპარეზა : ღიბრაძე ლაშა და წურწუმია ლანა. მათ წარმატებით გაარათვეს თავი საკვალიფიკაციო ეტაპს და ხვალ იასპარეზებენ ფინალში. ვუსურვებთ მათ წარმატებულ ფინალს!
მიმდინარე წლის 26-29 აპრილს თბილისმა უმასპინძლა მე-4 საერთაშორისო ტურნირს ტანვარჯიშში ყველასათვის ,,თბილისის ჯიმნაესტრადა". ტურნირში მონაწილობა მიიღო საქართველოს და აზერბაიჯანის 66 გუნდის 1000-მდე მონაწილემ. მონაწილეთა ასაკი მერყეობდა 3 წლიდან 50 წლამდე. აღნიშნული ტურნირი პირველად 2021 წელს ჩატარდა და მასში 105 სპორტსმენმა მიიღო მონაწილეობა. წელს ტურნირი ჩატარდა მონაწილეთა გაათმაგებული რაოდენობით. გარდა ამისა მოიმატა საქართველოდან მონაწილე გუნდების გეოგრაფიამაც. ტურნირში პირველად მონაწილეობა მიიღეს ბოლნისის და ახალციხის გუნდებმა.
