უნგრეთის დედაქალაქი ბუდაპეშტი მასპინძლობს საერთაშორისო ტურნირს სპორტულ ტანვარჯიშში. საქართველოს ამ ტურნირზე წარმოადგენენ ჩვენი ახალგაზრდული ნაკრები გუნდის წევრები დაჩი დოლიძე და გეგა კასრაძე. ორივე ტანმოვარჯიშემ მშვენივრად იასპარეზა. დაჩი დოლიძემ ორი ოქროს და ერთი ბრინჯაოს მედალი მოიპოვა, ხოლო, გეგამ ერთი ოქროს მედალი.
ვულოცავთ ბიჭებს ამ წარმატებას და ვუსურვებთ მომავალ გამარჯვებებს!
დღეს ევროპის ტანვარჯიშის აღმასრულებელი კომიტეტი ონლაინ რეჟიმში შეიკრიბა, სადაც განიხილეს 2020 წლის სპორტულ ტანვარჯიშში ევროპის ჩემპიონატები ვაჟთა და გოგონათა შორის . აზერბაიჯანის ტანვარჯიშის ფედერაციიდან შეტყობინების მიღების შემდეგ, სადაც ნათქვამი იყო რომ პანდემიის გამო, აზერბაიჯანში რაიმე მნიშვნელოვანი ღონისძიების ჩატარება შეუძლებელია 2020 წლის ბოლომდე, ევროპის ტანვარჯიშმა მიიღო შემდეგი გადაწყვეტილებები: - 2020 წლის ევროპის ჩემპიონატი სპორტულ ტანვარჯიშში ვაჟებს შორის ჩატარდება (ოლიმპიური კვალიფიკაციის გარეშე) დაგეგმილ ვადებში 2020 წლის 9 – დან 13 დეკემბრამდე, მაგრამ გადავა მერსინში (თურქეთში).
