ამ დღეებში იტალიის ქალაქი რიმინი მასპინძლობს მსოფლიო თასს ბატუტზე ხტომებში. ამ დისციპლინიაში მოასპარეზე საუკეთესო ტანმოვარჯიშეები ჩასულები არიან ამ თასზე, რადგან ამის შემდეგ, რამდენიმე დღეში, იგივე ქალაქში გაიმართება ევროპის ჩემპიონატიც. საქართველოს ნაკრები გუნდის წევრმა ანანო აფიქიძემ მშვენივრად გაიარა საკვალიფიკაციო ეტაპი და ფინალში მოხვდა მე-2 შედეგით. წარმატებას ვუსურვებთ ანანოს ფინალში!
ამ წუთებში სასიხარულო ინფორმაცია მოგვივიდა ეგვიპტედან სადაც ტარდება საერთაშორისო ტურნირი სპორტულ ტანვარჯიშში ,,ფარაონის თასი". ჩვენი ახალგაზრდული ნაკრები გუნდის წევრმა დაჩი დოლიძემ წარმატებით იასპარეზა გუშინ ტაიჭზე ვარჯიშში საკვალიფიკაციო ეტაპზე და დღეს ფინალში დაძაბულ ბრძოლაში ვერცხლი მედალი მოიპოვა II შეგახსენებთ რომ ცოტა ხნის წინ დაჩიმ ბრინჯაოს მედალი ჩამოიტანა ევროპული ახალგაზდრულ ოლიმპიური ფესტივალიდან! ვულოცავთ, დაჩის ამ წარმატებას და ვუსურვებთ მომავალ გამარჯვებებს!
