ოთარ მიქელაძე მრავალი წლების განმავლობაში იყო საქართველოს ვაჟების ეროვნული ნაკრები გუნდის მწვრთნელი. მას აღზრდილი ჰყავს საქართველოს ჩემპიონები და პრიზიორები, მრავალი საერთაშორისო ტურნირის გამარჯვებულები და პრიზიორები. საქართველოს ტანვარჯიშის სახეობათა ეროვნული ფედერაცია, მწვრთნელთა და სპორტსმენთა კოლექტივი, და ვეტერანი ტანმოვარჯიშეები სამძიმარს უცხადებენ ოჯახის წევრებს და ნათესავებს. გასვენებაა სამშაბათს, სავარაუდოდ მისი სახლიდან. ის ცხოვრობდა გარეკახეთის ქ. #4-ში, ბოლო სადარბაზო, მე-7 სართული.
გუშინ რიმინიში (იტალია) დასრულდა მსოფლიო თასი ბატუტზე ხტომებში. ჩვენმა ტანმოვარჯიშეებმა მშვენივრად იასპარეზეს და მოიპოვეს ოქროს მედლები სინქრონულ ხტომებში და ერთი ბრინჯაო ინდივიდულაურ ასპარეზობაში. რამდენიმე დღეში იქვე, რიმინიში, სტარტს აიღებს ევროპის ჩემპიონატი ბატუტზე ხტომებში. ჩვენ 3 ტანმოვარჯიშეს რომელიც ასპარეზობდა მსოფლიო თასზე: ანანო აფაქიძე, თეონა ჯანჯღავა და ლუბა გოლოვინა დაემატა კიდევ ხუთი ტანმოვარჯიშე: სოფიო დაშნიანი, მარიამ სულტანოვა, მარიამ რაგიმოვი, მაია ბოჭორიძე და ანა ლაპიაშვილი. წარმატებას ვუსურვებთ ჩვენს გოგონებს!
