საქართველოს ტანვარჯიშის სახეობათა ეროვნულმა ფედერაციამ, ა/წ 12 - 13 მაისს, პირველად მისი არსებობის ისტორიაში, ჩაატარა საერთაშორისო ტურნირი მხატვრულ ტანვარჯიშში. სადაც მონაწილეობა მიიღო ათმა ქვეყანამ მათ შორის საქართველომაც. საქართველოს ნაკრებმა გუნდმა წარმატებით იასპარეზა როგორც ინდივიდუალურ ასევე გუნდურ ჩათვლაში.
წარმატებული გამოდგა ჩვენი ნათელა ბოლატაევას გამოსვლა რიგაში გამართულ საერთაშორისო ტურნირზე ‘’BALTIC HOOP 2019’’. აღნიშნულ ტურნირს ლატვიის დედაქლაქმა უმასპინძლა წინა კვირას.
ნათელა ბოლატაევა სამი საგნის ფინალში გავიდა, სადაც საუკეთესო აღმოჩნდა მისი გურზებით ასპარეზობა , რომელშიც მან 17,850 ქულა დაიმსახურა და ბრინჯაოს მედლის მფლობელი გახდა.
