საქრთველოს ტანვარჯიშის სახეობათა ეროვნული ფედერაცია ულოცავს ფედერაციის ვიცე-პრეზიდენტს, სსრკ ორგზის ჩემპიონს ჯგუფურ ვარჯიშში (1961, 62), სსრკ უნივერსიადაში გამარჯვებულს (1964), საბჭოთა კავშირის სპორტის ოსტატს, საბჭოთა კავშირისა და საქართველოს დამსახურებულ მწვრთნელს, ღირსების ორდენის კავალერს-- ქალბატონ ნელი სალაძეს 80 წლის იუბილეს! ქ-ნო ნელი გისურვებთ ჯანმრთელობას, ბედნიერებას და უამრავ წარმატებას თქვენ საქმიანობაში.
მიმდინარე წლის 3 დეკემბერს, თბილისში, ტანვარჯიშის ახალ არენაზე გაიმართა საქართველოს ტანვარჯიშის სახეობათა ეროვნული ფედერაციის საანგარიშო–საარჩევნო ყრილობა. ყრილობას ესწრებოდნენ: ფედერაციის ხელმძღვენელობა, დელეგატები, მოწვეული სტუმრები: ბატონი ლერი ხაბელოვი–საქართველოს ეროვნული ოლიმპიური კომიტეტის პრეზიდენტი, და ასევე, ბატონი ირაკლი დოლაბერიძე–საქართველოს განათლების, მეცნიერების, კულტურის და სპორტის სამინისტროს სპორტის განვითარების დეპარტამენტის უფროსი. ასევე, 3 დელეგატეი ჩართული იყო ონლაინ კავშირით. ყრილობამ მოისმინა ფედერაციის ხელმძღვანელების ანგარიშები და ასევე სტუმრები გამოვიდენენ სიტყვით.
