როგორც უკვე მოგახსენეთ სოფიაში მიმდინარეობს მსოფლიო ჩემპიონატი ბატუტზე ხტომებში ახალგაზრდებს შორის, სადაც უკვე მოვიპოვეთ ოქროს მედალი. ამ ოქროს მედალს რამდენიმე წუთის წინ დაემატა ვერცხლის მედალი სინქრონულ ხტომებში! სინქრონულ ხტომებში ასპარეზობდნენ ანანო აფაქიძე და მარიამ რაგიმოვი. გოგოებმა შესანიშნავად იასპარეზეს როგორც საკვალიფიკაციო ეტაპზე ასევე ფინალში! ფინალში, ჩემპიონობისთვის მათ ოდნავ დააკლდათ და დაეუფლნენ ვერცხლის მედლებს! ვულოცავთ ანანოს და მარიამს და სრულიად საქართველოს ამ წარმატებას!
დღეს, სპორტული ფედერაციებისა და ორგანიზაციების ინფორმირების მიზნით, ონლაინ პლატფორმა ზუმის მეშვეობით, საქართველოს განათლების, მეცნიერების, კულტურისა და სპორტის სამინისტროს სპორტის დეპარტამენტის თანამშრომელთა მიერ წარმოდგენილი იყო პროგრამა ''ერასმუს+სპორტი''–ს საინფორმაციო სახის პრეზენტაციები. ონლაინ შეხვედრაში მონაწილოება მიიღო 50–მდე სპორტულმა ფედერაციამ და ორგანიზაციამ. მათ შორის იყო ჩვენი ფედერაციის საერთაშორისო ურთიერთობათა მენეჯერი გიორგი გეეგჭკორი. პროგრამა ''ერასმუს+სპორტი''მიზნად ისახავს ევროპული პარტნიორობების მხარდაჭერას მასობრივის სპორტის მიმართულების, სპორტული პოლიტიკის განვითარებისა და სპორტული ერთიანობის პრინციპების დასაცავად.
